酒鬼必試！法國紅酒馬拉松！

去得法國，相信唔少人都一定要試下正宗波爾多靚紅酒！如果去 working holiday，就更加唔好錯過一年一度嘅波爾多紅酒馬拉松！可以一邊跑，一邊試勻超過 50 間酒莊嘅紅酒，沿路仲有美食攤位，俾你歎住來跑。

法國紅酒馬拉松其實名為梅鐸馬拉松（Marathon du Medoc），早喺1984年已經開始舉辦，同一般馬拉松最唔同之處，就係42公里賽事路線入邊，跑手將會號過超過50間酒莊，當中包括有全法前五大特級酒莊的拉圖堡（Chateau Latour）、木桐堡（Chateau Mouton Rothschild）等。

【相片︰ Yves MAINGUY】

而呢個比賽最正就係，好多酒莊都會在比賽當日set 定紅酒攤位，俾參賽者一路跑一路飲！仲有，你實會話「我唔會空肚飲酒」！呢一層大會一早設想周到，梅鐸馬拉松同時會為參加者提供法包、芝士、三文魚同生果等法式美食，跑到最後仲有生蠔俾大家補充能量，聽到都流口水！

【相片︰ Yves MAINGUY】

今年名額已滿，可以試吓申請後補位，否則明年請早！

Marathon du Medoc

http://www.marathondumedoc.com/

【請你滾 滾出去】英國碌芝士節

保齡球可以碌，信用卡可以碌，原來連芝士都可以碌！只要喺每年五月的最後一個星期一去到告羅士打郡的Coopers Hill ，就可以一賭幾十人同芝士一齊碌落山嘅盛況！

每年五月的最後一個星期一是英國的春季銀行假日，位於告羅士打郡（Gloucestershire）的Coopers Hill 都會舉行一場傳統而盛大的年度碌芝士大賽，今年的大賽就會於5月26日舉行！

碌芝士大賽，顧名思義，就是利用碌芝士進行比賽。參賽者會分為男、女子比賽，比賽開始時主持人會將整整七磅重的雙格羅斯特芝士(Double Gloucester Cheese)碌落山，然後參加者便要馬上衝落山追逐芝士，成功追到的就為之勝利。但因為山坡太陡峭，自古以來都沒有人成功挑戰，現在就變成最先衝下山的就是嬴家。

這個看似荒謬的比賽原來已經有超過二百年歷史。起初只是當地的傳統活動，後來因為太刺激有趣，便吸引了來自世界各地的遊客前往朝聖。以去年的比賽為例，勝出者便包括美國人和日本人，非常國際化！

不知是否因為參賽者太過豁、豁出去，大會幾乎每年都會發生選手失足墜山的意外。雖然比賽因為太危險，曾停辦數屆，但最後還是強勢回歸！貼心的主辦單位近年都會在現場安排聖約翰救傷隊為傷者進行急救，讓大家跌得安心又放心，當然大家都要自己承擔返有機會受傷的風險！

英國的碌芝士節

http://www.cheese-rolling.co.uk/

【賞花圖集】西藏林芝粉紅桃花源

每年一到三、四月賞花季節，大量遊客就會湧入日本韓國賞櫻花！如果想避開人山人海，可以考慮去到有西藏江南之稱的林芝睇桃花！

賞花圖集】林芝桃花季由每年三月中至到四月尾，偏淡的粉紅桃花處處可見。

【賞花圖集】以西藏江南聞名的林芝有勁靚風景，唔講會以為去了歐洲！

【賞花圖集】五彩經蟠配上粉紅桃花是林芝獨有的景色。

【賞花圖集】桃花樹下有人耕作，猶如現代桃花源。

【賞花圖集】近看桃花，遠看雪山。

【賞花圖集】三、四月的雅魯藏布江正值乾旱時節，水位頗低之餘更長出片片綠意。

【賞花圖集】西藏林芝粉紅桃花源

【賞花圖集】西藏林芝粉紅桃花源

【賞花圖集】西藏林芝粉紅桃花源

廉航常客之旅行三寶

2014上半年4個月內飛了兩次，又會碰巧兩次都是坐凌晨廉航機，準備當然要做到足！要知道，收工趕去機場已經夠累人，還要在平時高床軟枕時份坐在那狹窄的經濟艙中冇水飲、冇野食、更要4,5小時冇覺好瞓的話實在很累人，所以坐廉航夜機，必先準備旅行三寶，在機上瞓得好，落機先有energy即刻玩！

支持我「旅行‧最重要的小事 」Facebook Page︰https://www.facebook.com/viviy.travel

我的旅行三寶，不是ipad、不是 android phone，亦不是信用卡，而是為了在機上好好睡一覺的頸枕、眼罩加耳塞！

三寶之頸枕：

記憶海綿頸枕，雖然要拎上機好像有點麻煩，不過當你要坐住瞓4小時而座位又沒有頸部承托位時，你就知一個記憶海綿頸枕有幾好用。

三寶之眼罩：

若然你是醒瞓之人如我，在燈光大開的機艙內想在黑暗中盡快入睡？用眼罩吧！

三寶之耳塞：

話說最近一次廉航飛峇里，機上有一旅行團嘈到不得了，好在有耳塞這個偉大發明，唔係我只可以帶住超大眼袋落機至得！

旅行三寶一定唔係行李箱，皆因大家都知道，搭廉航樣樣都同你計，想寄艙的話，乖乖俾錢啦！

不過如果你是女生或是shopping精，我勸你最好在網上訂票時一併訂好寄艙行李額，即場買一定只會更貴！

其實夜班廉航亦有其好處，價錢平正價航班一大截之外，更可以星期五收工即飛，隔天早上即到即玩，啱哂分秒必爭的港人。

廉航夜機有時不會滿坐，等飛機起飛後不少人會挑選一排冇人坐的座位打橫瞓低，發個好夢！

不過如果去日本的熱門地方，想有三個吉位可以瞓，相信難度應該不少！