2014年7月25日 星期五

【旅遊Nobody】我喺馬爾代夫教潛水!

馬爾代夫一向被喻為人間天堂、honeymoon勝地,香港男生Jason 隻身一人揹上沉重的潛水裝備飛往這個天堂,更成為島上唯一的華人教練,每日生活就是潛水與水上活動,一年有30日大年假可回港或四圍去玩,羨煞旁人!

Text: Viviy     Photo:由受訪者提供



澳洲無薪工作換來免費課程

與大部分香港人一樣,Jason以前都係過著白領的生活:「曾經我都係在香港一間頗有名氣的游水學校做文職,成日都好忙、OT、通頂都係家常便飯。」直到2012年的一個機會,Jason去了澳洲開恩茲working holiday,本身已有潛水助教牌的他,順理成章地找到了一份以教潛水為主的工作。


大部份人去年working holiday ,為的是賺取那份不錯的薪水然後去旅行,Jason打這份工的原因,卻是以工作50天換來一個令他可以取得潛水教練牌照的課程與考核,然後就順理成章地,留在大堡礁繼續擔任潛水教練一職,每天帶世界各地的遊客進出水面與水底,聽落都幾筍!「其實呢份工都幾辛苦,一星期七日可能有6日要stay喺船上面,因為啲潛水trip一出海就3日不點陸地,每日帶上不同的客下潛5次,一星期教兩轉這樣的trip,對體力要求都好大。而且當你是教練的時候,你就要照顧學生,唔可以以一個好relax 的心態去欣賞海底世界。」

疑似騙案的馬爾代夫工作邀請

在澳洲教潛水教了半年,Jason開始有了新的打算「當時澳洲開始進入冬季,因為我個人比較怕凍,所以就開始上網搵下其他機會。」由於始終鍾情於底世界,Jason向世界各地的潛水中心發出了求職email,終於一天收到現職的馬爾代夫潛水中心的回覆,經過幾次的電郵溝通再加上視像面試後,對方告訴Jason他已經成功獲聘。「其實開頭收到email時都唔係好信,後來對方又同我講叫我咩都唔駛理,佢哋會幫的準備好個工作簽證,只要我飛過去就得啦!咁為安全起計,我當時都有問返會否有任何文件俾我做參考,入境時有冇咩要注意咁,佢都只係叫我帶齊裝備過去就可以。」
成個過程疑似騙案又冇咩文件可證明,在半信半疑的情況下Jason都飛到了馬爾代夫。「到埗𠴱日已經好夜,入境時我排在工作簽證條隊,我係最尾一個。當時職員check咗好耐,我仲以為真係有咩問題,點知佢搵來專人帶我出去,然後就有潛水中心的職員在外接機,帶我去酒店settle down 。」第二天Jason以為可以直飛工作所在地的小島,點知個職員回覆說當天星期五是公眾假期,星期六才出發。雖然聽起來好奇怪,不過反正已到埗,Jason決定多等一天看看。直到星期六職員帶他到潛水中心辦公室填表,然後做身體檢查,晚上再轉飛小島,Jason才敢相信這份「天堂工」是真的。

天堂的打工生活

喺馬爾代夫呢個天堂生活應該係唔少人夢寐以求的人生,但作為一個島上唯一的香港人,生活又是否一如想像般美好呢?「馬爾代夫水質好清好靚,成日可以喺水底見到大群魚游來游去。由於我識講中文,所有亞洲遊客的潛水班都係由我負責。我來之前可能由於其他教練以講英文為主,冇中國人係呢度學潛水,我來咗後就多咗好多。老闆對我亦都的唔錯,平時員工要同其他人share一間宿舍,佢就俾我單獨住一間。」問到在「天堂」打工同香港的分別,Jason就大讚當地氣氛悠閒,夠鐘就收工,唔會追target,有客人出海的時候就帶他們下潛,沒有潛水堂的時候就同客人像朋友般聊天,比香港緊繃的工作環境輕鬆得多。



不過就是由於這裡的氣氛太悠閒,曾經有其他來自香港或台灣的潛水教練做了幾個月就離開「其實剛開始就一定好新鮮,不過對得耐都會幾悶。可能係飲食唔習慣,或者係呢度除咗水上活動外,其他消閒娛樂唔多,所以佢哋做咗一段時間就離開。」大家以為的天堂筍工,其實都有要取捨的地方。「就以聖誕節及新年為例,係中國人出遊旺季,所以當時我都要留在島上教班,及後先可以返香港。


額外賺來的旅行

因為這份在天堂的工作,Jason 亦賺得不少額外的旅行機會。「如果好似普通遊客般買直飛機票動輒7000﹣8000蚊,因為我的大假較多,所以選擇轉機飛過去。Jason搵到最平飛馬爾代夫的方法是先從香港飛吉隆坡、再轉飛斯里蘭卡、然後再飛到馬爾代夫的馬里,轉小型機回到島上,這樣機票只需$3000多,不過就要付出2,3天的時間去轉機,非遊客可負擔!


「試過一次我飛吉隆坡的同時有一班朋友到沙巴旅行,我只是在吉隆坡買咗張$100來蚊的機票就飛到去沙晚玩咗幾日。」要有這些機會,前提是要有勇氣先走出去,放下在香港擁有的,才有機會收獲更多。


馬爾代夫有咩玩?

其實馬爾代夫呢個地方比較適合去渡蜜月,主要的娛樂以水上活動為主,例如出海睇海豚、睇日落,又式者體驗潛水,玩吓wakeboard、Kiteboard等水上活動。


去馬爾代夫學潛水有咩貼士?

﹣有好多潛水中心係喺指定島上教學,所以去之前一定要上網research揀咗先,某些中心會去指定潛水點如Shark point 
﹣最好在香港先考取基本潛水牌,去到就可盡情享受。否則只可參加體驗潛水,在當地考牌會佔整個課程式70﹪時間,無謂浪費大好在天堂的時光。
﹣馬爾代夫一年四季都適合潛水

Jason的facebook專頁︰
https://www.facebook.com/paradisediverhk

2014年7月20日 星期日

型格本土新酒店的自助餐體驗-九龍貝爾特酒店潮食街

老實說自己並非一個buffet控,食力一般又眼闊肚窄,今次因朋友有coupon的關係一行九人浩浩蕩蕩來到2013年8月才開幕的東九龍新酒店——九龍貝爾特酒店內的潮食街試試這裡的自助餐。

來源:九龍貝爾特酒店



工廠區型格本土酒店有驚喜

本身去試buffet前沒有太大期望,不過酒店的設計與格局就帶給我驚喜。可能由於是位處新蒲崗工廠區吧,要突圍而出就要諗諗新意思!酒店設計師將老香港茶餐廳/街頭市井麵檔的原素融入裝潢中,當中又用上黃色烏絲燈作主要光線,老香港情懷立即pop up,但又不會蓋過那份設計味。遊客來到固然可以感受到香港特色,香港人來到亦可以從中緬懷舊日好時光。

熱食勝冷盆



自助餐地點在二樓的潮食街,食物分區擺放,食客要走動的情況較多,就當是幫助消化吧。平時一開波主打凍食的我竟被其熟食部分吸引過去,串燒、椒鹽九肚魚、炸軟殻蟹、雞煲以及美極蝦碌都是不錯的選擇,當中又以美極蝦碌味道為佳,惹味非常,炸物就稍嫌炸得過火,太硬身。




有蒸點心,太飽沒有嘗味,不過蒸品部份的燉湯冬瓜老鴨薏米湯不錯,好清潤,又可去除夏天的濕氣。。

至於冷盤方面有長腳蟹、凍蝦、翡翠螺、即開生蠔等,水準亦不差,不過就沒有太大驚喜。但亦要一讚 refill 速度也算快,排隊等生蠔亦只而幾分鐘。


水果有三款、西瓜當造很甜、哈蜜瓜以火龍果一般。甜品款式不算多,不過常見的 new york cheese, Tiramisu, Creme Brulee 以及 Bread Pudding都有,而且水準不差,受到甜的朋友應該可以食到2 round甜點有突!


 餐廳門外是 Check-in counter 以發 Game Room,設有桌球以及不同 Board Games,食到太飽可以到此玩返場再返入去食過!



九龍貝爾特酒店
地址:新蒲崗六合街19號香港九龍貝爾特酒店1樓
電話:3112 1998
網址:http://www.pentahotels.com


2014年7月16日 星期三

【爆靚】昆士蘭的12種藍


Viviy 上星期去了澳洲昆士蘭一轉,第一次身處南半球的我好鍾意昆士蘭深淺不一的藍,相機快門按個不停,開心到震!返到香港就算尚未整理好有咩好玩好食推介,都要第一時間同大家分享當地藍到 dump一聲的靚景!

Special thanks:
昆士蘭州旅遊及活動推廣局 、澳洲航空
支持我「旅行‧最重要的小事 」Facebook Page︰https://www.facebook.com/viviy.travel




1.友善的藍

位於陽光海岸,逢星期三、六早上開市的Eumundi Market 是我個人必去的推介,係果度你可以揾到大量澳洲特色的產品,由 handmade 飾物、家品、畫作以至衫都有賣,最重要的是小量手作,賣一件冇一件。當然少不了美食檔口,而且檔主都超nice,樂意同你分享故仔,睇下賣雪糕伯伯就知!


 2.河道的藍

去到陽光海岸,除了 surfing,一定要試試在內河上搭船睇靚景,海鮮!上船後船家會同你講解當地特色,又會去到魚市場即時買下新鮮煮好的海產俾大家在船上品嘗,Yum!


3. 動物的藍

來到昆士蘭,動物一定與你為伴。無論係遊船河時見到的大大隻塘鵝,甚至海豚都有機會見到!


4.美食的藍


澳洲有咩美食一定要試?唔駛講一定係海鮮!新鮮 Coffin Bay生蠔除開 $10 到一隻,又抵又好味!


5. 手作的藍


來到陽光海岸的Eumundi Market 一定唔好錯過尋找手作寶物機會!呢檔檔主所有畫作都係自己畫,帶有濃厚童話色彩,大細路最啱!

 

6. 滑浪者的藍

去昆士蘭,一般遊客未必知道 Noosa (努沙) 這個地方。其實位於陽光海岸的 Noosa 係一個天堂。遊客不多、只有當地人先知道呢度的好玩處,每日由早到晚都可以見到來滑浪的人,由細路到大人,滑浪係每日指定動作!


7.一望無際的藍

Noosa 位處的陽光海岸面對塔斯曼海,由早到晚海天一色的景象都在 Noosa 延綿的沙灘上演。


8. 歎世界的藍

在 Noosa,陽光海灘是大家共享的名物。換上 Bikini ,帶上太陽傘,就可以一家大細在沙灘消磨一日,幾歎!


9. 節日的藍

每年 5 月,Noosa 都會舉行老饕們的盛事:Noosa International Food and Wine Festival,整個節日會舉行林林總總的表演,最重要的是澳洲名廚皆齊集於此,為食客準備最美味的食物,話明美酒佳餚節,當然少不了澳洲靚酒!部份美食節目在沙灘上舉行,靚景配美食,一絕!



10. 內河活動的藍

除了滑浪,來到 Noosa 亦可以試試當地好興的Standup Paddle Board 或者獨木舟!


11. 活化的藍


布里斯本以前的媒氣廠建築被留下改建成公園,供市民在內休憩,活化下的媒氣廠在夜色下份外迷人。


12. 夜景的藍

布里斯本市中心由布里斯本河貫穿,日頭陽光充沛,晚上河岸兩旁的夜景令人心醉。

更多相關文章︰

Check!去布里斯本必做三件事
http://vv-chezmoi.blogspot.hk/2014/07/3checkpoint.html

【澳航商務艙】被寵壞的機艙體驗
http://vv-chezmoi.blogspot.hk/2014/06/qantas.html


識得揀 一定揀去昆士蘭歎世界
http://vv-chezmoi.blogspot.hk/2014/05/Queensland.html

Check!去布里斯本必做三件事


去得澳洲昆士蘭,好多人都只將布里斯本當做落機轉車去黃金海岸或大堡礁嘅中轉站,但其實呢個城市有唔少野玩,做齊以下三件事,你會發現布里斯本其實好好玩!

Text & Photo: Viviy
鳴謝︰昆士蘭州旅遊及活動推廣局 、澳洲航空
相機︰Olympus OM-D E-M1




Check 1︰抱樹熊、餵袋鼠

布里斯本龍柏樹熊公園 (Lone Pine Koala Sanctuary) 係全球最大的樹熊保護區,除咗住咗超過130隻樹熊,仲有袋鼠係草地任摸唔嬲﹐夠你玩足大半日!來到樹熊公園 ,一定要試吓抱抱樹熊,因為澳洲唔係每個州都俾人抱樹熊,好似新南威爾士州就已經禁止咗抱抱樹熊,所以呢個機會好難得!



瞓瞓瞓,真係瞓得好可愛!


抱完樹熊一定要去埋袋鼠區同大班懶洋洋嘅袋鼠打招呼!(媽媽個袋中有BB!)




公園仲有趕羊同埋剃羊毛show﹐大人細路都啱睇。


龍柏樹熊公園

地址:708 Jesmond Road, Fig Tree Pocket, Queensland
電話:+61 (07) 3378 1366



Check 2︰踩車自遊


想仔細認識一個城市,有咩好得過踩住單車隨心而行? 布里斯本的單車設施非常方便,更設有 City Cycle 計劃,城市街道上都可以見到一排排的單車。

只要事先上網以信用卡登記,即可在150個單車站登入取車,單日的預訂費用為AUD$2,就可以一日內無限次借用;而借用的頭半個鐘係免費,只要在半個鐘內於任何一個單車站還車,然後再次重覆借用程序,就可以用盡AUD$2踩足全日,想去邊都冇難度!











沿布里斯本河踩,仲會經過south bank 嘅摩天輪。


 Check 3︰文青上身

踩開車,緊係要踩埋去昆士蘭現代美術館(QAGOMA)增加返啲文藝氣息!GOMA是澳洲首屈一指的美術館之一,早前仲展出咗蔡國強個展《歸去來兮》,份量十足!而美術館當中絕對唔好錯過兒童藝術中心,七彩繽紛又Retro,大細路來到一定玩到唔捨得走。


 設計對白︰我不禁倒抽一口涼氣!


 昆士蘭現代美術館(QAGOMA)

地址︰Stanley Place, Cultural Precinct
South Bank, Brisbane
開放時間︰10am -5pm
門票︰免費

相關文章︰
【澳航商務艙】被寵壞的機艙體驗
http://vv-chezmoi.blogspot.hk/2014/06/qantas.html

 識得揀 一定揀去昆士蘭歎世界
http://vv-chezmoi.blogspot.hk/2014/05/Queensland.html





2014年7月13日 星期日

去峇里島 竟然要坐酒店監?!

作為走悠閒 style 的旅人,放假去海島旅行,留喺酒店入面 hea 足一日絕對是天經地義的事。但估唔到 3 月去峇里島,竟然被迫全日坐酒店監!要是敢踏出酒店門口半步,換來的是被當地警察拘留或罰款,實在太不可思義!

Viviy's Facebook:「旅行‧最重要的小事」
https://www.facebook.com/viviy.travel




絕對禁止:飛機升降  + 酒店check in 

要坐酒店監,絕非因為 Viviy 在當地犯了事或得罪了任何人,實情係因為當日撞正峇里島新年,又被稱為安寧日( Nyepi) ——  Day of Silence 。



有別於全世界的新年要大肆興祝的習慣,由於大部分人口信奉印度教的關係, 島上所有人都要以寧靜的心去迎接峇里新年的第一天。當天在島上一切娛樂活動都被禁止,取而代之的是留守家中,靜心反思自己在過去一年中的得失過錯。唔好以為你係遊客,安寧日就唔關自己事。當日全島的人都必須入鄉隨俗,島上唔會有車輛行駛,任何人都唔可以出街,街上只會有當值嘅警察負責巡邏,只要有人踏出街上,一係就差館見、一係就乖乖交罰款。同時當天居民唔可以生火、開燈、酒店暫停 check –in 、check-out 服務、甚至乎機場都整個關閉,成日都唔會有飛機升降,由安寧日當天朝早 6 點起計 24 小時,島上的人都似乎係呢一日集體消失!



入黑,除左少量遊客所在的酒店或villa發出微弱燈光,幾乎整個峇里島都是一片漆黑。此情此景,最光猛的,竟然是天空中過千粒的耀眼星星!





安寧日前一天的下晝2點,遊客旺區水明漾大部份商店已收鋪回家準備隔天的安寧日。


新年大於一切,明年請早。
















呢條係平時人來人往的水明漾大術⋯⋯安寧日前卻如同死城。


原來大部分峇里人會提前回到自己居住的村中,安寧日前一晚會舉行名為 Ogoh Ogoh 的盛大鬼怪巡遊,全世界都會走去街上睇熱鬧!




Ogoh Ogoh 好精彩,Viviy將會另文po相俾大家睇!



反樸歸真遊客做乜好?

安寧日對於遊客來講看似極為不便,對大假少到喊的香港人來說更加大影響。不過Viviy反而認為安寧日絕對是難得一遇的旅遊好時機。老實講,你有幾耐冇試過去旅行時成日無所事事?每次去旅行,大家都習慣趕景點、趕 shopping,有時去完一次旅行仲攰過返工,旅行的意義又去咗邊?今次巧遇安寧日,我可以瞓到黃朝百晏慢慢歎個早餐、然後在酒店內跟大師學做瑜珈、靜坐冥想將自己放空,又可以在酒店內享受峇里Spa,或是拎本書到海邊聽住海浪聲等睇日落,放下平日喺香港的繁忙,重拾內心的平和,先至係旅行的真正意義。

Viviy's Facebook:
「旅行‧最重要的小事」