2014年11月29日 星期六

食住buffet睇!意想不到的澳門大賽車

Viviy從來都未想過可以近距離到澳門睇一年一度大賽車,但剛過去的11月15日有幸去到澳門,仲要可以在舒適的酒店環境中睇賽車、歎buffet,令人喜出望外!如果唔係得到Blogger好友安娜的推介,都唔知原來可以去到澳門金麗華酒店用個咁正嘅方式睇賽車!

Like my page: 旅行.最重要的小事:





位於賽道旁的金麗華酒店集天時地利人和於一身,正正是除了看台以外,另一個觀賞比賽的不二之選。好似Viviy呢種貪吃又貪新鮮的朋友,今次呢個全天十賽車燒烤自助餐就認真吸引,可以喺酒店5樓平台吹住11月嘅涼風,一邊歎住BBQ及各種美食,耳邊享受住房車、方程或賽車同電單車不停喺耳邊風馳而過的轟隆聲響,真係人生一大樂事!


原來有些事,真係要親歷現場先可以感受到嗰種震撼。原來都覺得,賽車嘛,睇電視直播都得啦,何必又要去現場?但原來到過現場後,你就知呢條係一條不歸路,睇電視係絕對冇可能感受到嗰種現場感。


金麗華酒店的平台可以有兩個方向睇到比賽,一個就係上上圖中的,賽車起步後向著我們飛駛過來的正面;另一個就可以見到賽車轉個靚彎入大直路的情景,兩面同樣吸引,亦幸好整日有多場賽事,總有時間俾大家轉位睇比賽又唔需要同人迫。




酒店同時亦貼心地安排咗大熒幕同埋好多部電視在場內直播,即使係食緊野時都唔會錯過每個精彩時刻。


當然不可不提食物方面,雖然自助餐以燒烤為題,但由於Viviy月底要做伴娘嘅關係,一於專注於沙律得冷盤!場內所見,沙律選擇不少,有泰式豬耳、健康又美顏的紅菜頭、大蝦配青瓜、以及時另沙律菜等,先用沙律打底再食肉都未遲!



大蝦沙律色澤亮麗,勁誘人!


由於場內甜品繁多,女生總是抗拒不了甜點的誘惑,尤其是圖中的大賽車Special edition黑白Puff,黑色以芝麻味作主打,入口啖啖芝麻香;白色則以杏仁為主打,Viviy雖然沒試,不過身邊朋友都話如果鍾意杏仁味,呢隻必試!


見到呢啲細細件的果撻及朱古力撻,邊有人可以忍到口?



場內飲品以飲品券形式購買,飲幾多就買幾多。選擇除了大路汽水飲品,亦有cocktail及啤酒,當然,睇刺激賽車,又點可缺少小小酒精助興呢?


場內同時有烈酒可供購買,仲有車手打扮的女仕坐陣。


Cheese platter 選擇亦不少,好芝味者應該好開心。


24個月parma ham,當然要一再encore!


甜品誘人,不知不覺就夾!多!咗!(完全罪惡感中)


然後發現自己完全專注於甜品中,竟然冇影到即燒BBQ!但最最最令人印度深刻係果度嘅原隻燒雞,皮薄肉嫩,宜家諗起都流口水!


當日特地帶了新買的Momax自拍神棍去同新朋友影相,估唔到個個都大讚呢支神棍好用!睇吓大家影得幾開心?


更多有關金麗華酒店:
地址:澳門友誼大馬路956-1110號
電話:853 2856 7888
網址:www.grandlapa.com

相關文章:
11月短線盛事 直擊澳門格蘭披治大賽:
http://vv-chezmoi.blogspot.hk/2014/11/grandlapa.html

Like my page: 旅行.最重要的小事:


2014年11月16日 星期日

好純好Pure 香港獨一無二住宿體驗


經常出外旅遊,入住酒店時大家最關注嘅可能係地點方唔方便、房價幾多,但其實酒店舒適及低致敏程度亦都不能忽視,尤其係室的空氣塵埃,又或者係用來清潔床鋪的清潔劑都好容易令人有氣管或皮膚敏感,否則搞到乞嚏連連、皮膚痕癢,認真影響度假心情。

Text & Photo:Viviy
Special thanks: 數碼港艾美酒店

請支持我的Facebook Page「旅行‧最重要的小事」





位於數碼港艾美酒店就剛剛成為香港首間酒店,推出經過PURE GLOBAL專業處理的純淨樓層 (Pure Floor) 及純淨客房 (Pure Room),對於易敏感的朋友來講無疑又多了一個好選擇。


Viviy 早前就獲邀前往呢間酒店試住,率先感受一下呢間好純好Pure既客房係咪可以帶給我一夜好眠。


純淨樓層設於酒店頂層13樓全層,另設共20間純淨客房,包括海灣頂級套房、豪華套房及純淨智能客房。步入房門迎面而來的空氣帶有茶樹油的味道,原來呢度的空調設備均經過消毒處理以及加入了茶樹精油,既可殺菌又保持空氣有種清新而又不刺的香味,人都醒神



酒店在房準備好小點心,並有英文介紹,感覺窩心。


房間內同時放有Pure 合格証書,列出七項已採取的淨化程序,可去除所有表面、布料及空氣中的過敏原及刺激物,令房間達至98%不含細菌、病毒和雜質的環境


七點中最與住客息息相關的要數房內用上PURE抗菌防塵蟎床套枕套,感覺更加清新和乾淨,更不用怕睡醒後皮膚敏感!而房內亦用上PURE CLEAN環保清潔用品,沒有難聞化學氣味及人造香味,令住客更感安心。呢張床的確好好瞓,第二朝食完早餐都忍唔住返上來再瞓過!


其中最令Viviy感興趣的要數那部PURE高效率殺菌空氣淨化器,可分高中低三個運作模式,全天候過濾房內空氣,人都精神爽利啲。



話明好純好Pure的純淨樓層,當然在電梯大堂亦設有空氣淨化器。


酒店房間有不同景緻,部分房間更與貝沙灣等豪宅一樣享有同一片海景。


酒店的自助早餐食物唔算多,但有illy咖啡仲有拉花,正!




數碼港艾美酒店

地址:香港數碼港道100號
電話:2980 7000
電郵:reservations.lmc@lemeridien.com
房價:智能客房12月房價由 HK$1,352起
Restaurant + Bar Umami 鮮味日本料理

酒店設有中、西、日餐廳各一,今次因為入住時間較夜,到埗Check-in已經晚上8點多,於是二話不說在酒店大堂的Umami日本餐廳用餐。Umami 在日文中有鮮味的意思,當然要一試旅廳的水準!


左邊的雞泡魚乾作為小食來講很適合,香口又不會過份乾身,配啤酒的話就更相得益彰。右邊的軟殼蟹卷亦是推介必點之列。


三文魚及海膽刺身十分肥美,海膽更是當天新鮮運到,鮮甜!



燒物如牛舌及靖魚水準亦不俗,來得香口。

整個住宿體驗好滿足!

請支持我的Facebook Page「旅行‧最重要的小事」