選擇去雲南麗江的旅人，大抵都是想追求那些令人屏息的風景。但去過麗江的人都知道，如果只留在古城當中找尋那所謂的艷遇，恐怕只會令人失望。其實識玩的，仍然可以找到麗江又raw又靚的一面，跟住以下3件事去做，話唔定有更多驚喜！
Text: Viviy Photo: Viviy & Daniel Special thanks: 麗江悅榕莊
My Facebook Page：旅行·最重要的小事
必做事一：揀好住宿
網上經常有不同的麗江旅行攻略，來去不外乎去行吓大研古城（即最為人所認識的麗江古城）、去酒吧飲酒等艷遇，又或者去café聽歌曬太陽等。但其實網上同時有分享話，想感受麗江最原始的美，根本不需要去古城同人迫，要做的，是找一間好住宿，然後就可以全日躲在內泡茶睇書曬太陽，同時可以避開人群的喧鬧，盡情享受那怡人的麗江生活。
麗江悅榕莊 看得見的細心
麗江悅榕莊位於離大研古城15分鐘車程的束河古鎮旁，自成一角的度假村以納西式的別墅建築為主，最令人趨之若騖的，一定係酒店的無敵玉龍雪山景緻。酒店的126套套房中，不少都可以擁有雪山景緻，其實單單是踏入酒店的一刻，已經被其中心庭園的玉龍雪山景震懾，口中除了不斷說好靚，還是只有好靚！
未講酒店其他硬件時，其實想一讚其職員的細心。話說筆者於行程第二天要一早起身往玉龍雪山，天都未光下在浴室內戴隱形眼鏡，結果當然如大家所料，其中一隻隱形眼鏡戴不上之餘更跌下繼而不知所蹤，趕時間的筆者只好戴普通眼鏡出門。晚上完成一天行程返到酒店後，房間一如預期被打掃及整理得乾淨企理，更令人驚訝的是，那隻早上遍尋不獲的隱形眼鏡竟然被放於檯面的毛巾上，雖然早已變硬無法再次使用，還是不得不佩服housekeeping職員的細心與好眼力，在筆者沒有通知職員的情況下可以找到又不把它當成垃圾才是犀利之處，這種專於細節的細心就是令酒店高下立見的加分位。
別墅式的花園套房以紅、黑作為房間主色，擁有私家庭院，套房正中是主卧室，床上方的大紅燈籠穩約透出東方之美。卧室兩則分別是浴室以及偏廳，當中可以敞門間開，寬敞及私密度皆可有之。
值得一提的是私家庭院中的38度恆溫Jacuzzi，即使在只有幾度的寒冬下亦可以浸在暖笠笠的水，感覺就如日本的露天溫泉般。不少住客更會夜晚一邊浸浴一邊飲紅酒、數星星，勁寫意。
套房入口以中式設計，內裡更有古式門閂。
住在麗江悅榕莊內，基本上就可以在整天內足不出門，曬太陽、泡茶、望天打掛、寫postcard⋯⋯所有麗江應有的悠閒都可在此體驗。
另一房型——泳池別墅，房間較闊落之餘，景觀也較好，可以在房內直望玉龍雪山，而庭園中剛設有恆溫泳池。
麗江悅榕莊
地址：雲南省麗江市古城區悅榕路
電話：+86 888 533 1111
房價：HK$2670 起 （酒店現有Sense of Warmth 暖心冬日精選，住2晚麗江悅榕莊豪華花園別墅、2晚位於香格里拉的仁安悅榕藏式牧舍，包住宿期間雙人早餐、麗江悅榕莊雙人精選套餐晚餐、雙人冬日暖飲及小吃；仁安悅榕莊雙人熱桂石按摩、雙人藏式火鍋以及麗江悅榕莊至仁安悅榕莊交通，RMB9988)
網址：http://www.banyantree.com/zh/cn-china-lijiang/
束河是麗江三大古鎮之一，人們常常掛在口邊的是，如果你想睇以前嘅麗江古城，咁就一定要去束河。整個束河古城的格局同麗江古城相差不大，同樣由大大小小的水道貫穿，不過就冇麗江古城咁商業化。
漫步束河的最佳時間係每日一早，朝早可以來這裡的本地食店食碗米線當早餐，然後沿著石板街道漫步，感受一下幾百年前茶馬古道的路線。雖然有些店鋪未開門，但就因為咁而保留著當地的寧靜感覺；再唔係可以行到當地的露天市集，睇吓當地人買菜的熱鬧情境。
必做事三：騎行白沙
白沙古鎮係麗江三個古鎮中最原始，最接近當地人生活嘅一個。想去白沙，最好道係在束河古鎮租一架單車，慢慢踩過去。白沙古鎮位於麗江古鎮以北大約10公里，由束河騎慢慢騎行過去1小時內就可到達，而且全程行車輛不多的馬路，算是十分好踩。
白沙古鎮不大，而且店鋪不多。一入鎮就會見到不少納西婦女在買菜講價，對於我們這些「闖入」的遊客鏡頭一於少理。
白沙古鎮其中一個著名參觀點為白沙壁畫（右下圖），入場費RMB$30，對歷史文化有興趣的不妨入內參觀。
去到白沙，一定要試麗江特產雞豆涼粉！由納西婆婆親自主理，即煎即食。雞豆是當地特有的一種豆類，加水將其磨成漿 再攤涼，即成有如馬蹄糕狀的雞豆涼粉。大大碗都只是 RMB$5，係麗江古城絕對搵唔到！
