筍工王的蜜月地 浪漫漢密爾頓島

對鍾情浪漫海島嘅旅人來講，就咁講昆士蘭漢密爾頓島你可能印象不深，但其實這裡就是2009年大堡礁筍工王Ben Southhall「返工」嘅地方！更是昆士蘭聖靈群島74個島中最大的島嶼，完善豪華的度假設施齊備，鍾意嘅就出海去大堡礁浮潛，又或者坐直升機去「視查」有如大堡礁之心的心型礁，再同另一半在島上海邊餐廳歎美食盡情放空，呢個島，係用來度假的，返工？咩來架？

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel

Text & Photo: Viviy (部份相片由昆士蘭旅遊及活動推廣局提供)

鳴謝︰永安旅遊、One & Only Hayman Island、Hamilton Island Reef View Hotel、昆士蘭旅遊及活動推廣局、澳洲航空

器材提供：潛水歷險會、GoPro港澳授權代理商 MicroworksTechnology Ltd

畢比特的度假地


要去世外桃源，是值得付出點時間的。由澳洲內陸搭2個多小時的飛機抵步，飛機降落機場前已經可以見到湛藍的海水及耀眼的藍天。島上設有不同住宿選擇，一家大細來又得，兩口子來Honeymoon亦得，又難怪當年筍工王在此識到女友仲娶埋做老婆；聽講之前BradPitt 同Angelina Jolie 都低調入島歎世界，咁你估到呢個島有幾正啦！

今次入住可以飽覽180度海景的Reef View Hotel，所有房間都正對著蔚藍珊瑚海，房間夠大，一家四口同時入住都絕不迫狹。住在這裡最歎的，當然是推門一出露台就可以享受到的無敵海景。如果跟團到此一般都最少入住3晚，慢慢享受島上的悠閒才是王道。

Qualia低調的奢華

島上同時提供不同的住宿選擇，來得享受藍天碧海浪漫的，當然少不了一眾新婚人士來度密月，又或者正密謀求婚大計的男友帶女友入住。Qualia 是島上的私密度極高的奢華酒店選擇，更被《Conde Nast Traveler》 評選為2012年世界最佳度假村之一。位處漢密爾頓島的最北端，只限成人入住，同時只限Qualia住客才可進入度假村內，夠哂有私隱。度假村有自己的專屬泳池及餐廳，而且每間房間都享有私家海景；想再歎啲，可以揀擁有私家infinity pool的Windward Pavilion，如此享受，入房後又點捨得外出？

YachtClub Villas 夠住8人

在香港想住別墅，除非你有非一般的父幹。但在漢密爾頓島， Yacht ClubVillas反而是個不錯的住宿選擇。每間別墅最多可8人入住，附設廚房，入住後整間別墅就屬於你！據講Brad Pitt來都係選擇Yacht ClubVilla，可想而個私隱度幾高。

醉人景緻下的美酒佳餚

漢密爾頓島上有十多間不同風格的餐廳，當中必試的要數相中呢間外型好似鯨魚一樣的Bommie餐廳。餐廳正正是位於漢密爾頓島遊艇俱樂部，由高空望落去就會發現有如一隻停泊在海邊休息的鯨魚，相當神似。

夜幕低垂時來到Bommie，燈光配上夜色，已是暢懷一餐的序幕。

頭盤由生蠔二食(約$144)開始，一個配以三文魚子，一個佐以帶辣的泰式醬汁，入口鮮甜。

主菜方面我點了烤肉眼扒(約$300)，多汁鮮嫩；同枱朋友點的煎魚扒上枱賣相更是有驚喜！


更多有關昆士蘭旅遊資訊


兌換率︰AUD$1 = HK$6


澳洲昆士蘭州 ~ 聖靈群島浪漫之旅8天團


行程︰漢密爾頓島(Hamilton Island) ~ 大堡礁海洋保護區全天遊布里斯本(Mt Coot-tha觀景層)、黃金海岸(夢幻世界、Sky Point觀景層、翠兒河遊船之旅)、悉尼(悉尼塔自助晚餐)

價錢︰$16999起 (乘搭澳航)

出發日期 : 4月30日 5月14,28日 6月11,25日

查詢︰永安旅遊


相關文章︰

【震撼】大堡礁不能錯過的的11種藍 (上篇)

【震撼】大堡礁不能錯過的11種藍(下篇)

【爆靚】昆士蘭的12種藍


旅行‧最重要的小事Blog︰https://vv-chezmoi.blogspot.com

旅行‧最重要的小事Facebook page︰https://www.facebook.com/viviy.travel

【甜蜜旅程】8個在私人小島歎世界嘅方法

情侶去旅行離不開shopping行程或是hea遊路線，如果想玩得更刁鑽更豪，可以選擇飛去位於澳洲大堡礁的One&Only海曼島入住豪華resort，當然唔少得坐吓私人遊艇飲香檳、又或者坐直升機飛到令人趨之若騖的心型礁上空欣賞攝人靚景，保守估計，玩法最少有8種！

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel

Text & Photo: Viviy (部份相片由昆士蘭旅遊及活動推廣局提供)
鳴謝：永安旅遊、One&Only Hayman Island、Hamilton Island Reef View Hotel、昆士蘭旅遊及活動推廣局、澳洲航空
器材提供：潛水歷險會、GoPro港澳授權代理商 MicroworksTechnology Ltd

玩法1：坐私人遊艇入島

在香港前往離島，大家都會選擇搭渡輪；但要去呢個位於昆士蘭以東大堡礁的海曼島，你需要先飛往澳洲內陸，然後轉乘內陸機去到漢密爾頓島，一落機即可登上One&Only大堡礁海曼島的專屬私人遊艇向小島前進，一切check-in手續會有專人在艇上為客人預先辦理；上船後只需專心享受無限量供應的香檳、Finger Food，以及聖靈群島專屬的藍天碧海。

甜蜜指數：❤❤❤ (5❤ 為滿分)



玩法2：徜徉南半球最大泳池

One&Only大堡礁海曼島的擁有南半球最大的泳池——Hayman Pool。六角形的主池外圍是一圈環形的泳池，親身落水遊一圈一定是體驗這個泳池的最佳方法。來到泳池前你有可能覺得好似熟口熟面，因為不時都有時尚雜誌在池邊拍攝，所以見過係唔出奇嘅事！但當然，來到Hayman Pool 唔一定要游，單係浸於水中，飲住冰凍飲品，同時仲可以眺望珊瑚海已經係人生一大快事！

甜蜜指數：❤❤❤



玩法3：入住名師操刀超大套房

小島上有唔同房型可供選擇，情侶可以揀選翻新後的Pool Wing，將以往2間客房打通為一間全套房，享有Hayman Pool及珊瑚海靚景；其中可以由私人池畔露台直接落泳池的池畔套房就更係浪漫之選。另外推薦由傳奇時裝設計師Diane Von Furstenberg設計的Hayman Wing，屬一至三間睡房的apartment間隔，一家大細都住到。

甜蜜指數：❤❤❤❤

玩法4：Infinity Pool旁疏肝食午餐

在小島上，藍天與時間都是隨手可得的必須品。Aquazure餐廳正正可以將旁邊的Aquazure pool 加珊瑚海景緻同時收於眼底的餐廳。在場所見有唔少來度假的情侶在此撐枱腳，推薦西班牙海鮮飯以及冰凍椰青，又或者試吓炸得酥脆的軟殼蟹多士，飯後再嗌上一客自家製Gelato，望住另一伴再進住個無敵靚景，好疏肝。

甜蜜指數：❤❤❤




玩法5：直升機睇心型礁

一場來到大堡礁，當然要去睇代表著sweet爆情侶的心型礁。全天然形成無添加的心型礁位處聖靈群島以北的哈迪礁內，One&Only提供直升機或是水上飛機前往的接送，當然後者收費會更高。之不過，唔少人都係為了這個心型礁而來，同時亦都係男士們求婚好時機！

甜蜜指數：❤❤❤❤❤



玩法6：無人海灘浮潛

話明一島一resort，島上除了職員就是住客。小島以北有一無人石灘名為Blue Pearl Bay，正是浮潛好地方。住客只需搭15分鐘船去到石灘，酒店會提供一切浮潛所需用具，連應急用品都準備好，以防有意外。把我們送抵石灘後職員就會離開，指定時間才會回來，讓住客盡情享受幾乎成為「私家」的海底世界。

甜蜜指數：❤❤❤

玩法7：180度沙灘上的燭光晚餐

這種晚餐方法就似將電影情節帶到了現實世界，可惜當時女主角並非自己！只要向酒店預訂，即可在專人安排下在沙灘上享用一餐晚霞下的晚餐。將餐桌設於沙灘上，然後以美景送餐，由日落食到星星高掛，浪漫度爆燈。

甜蜜指數：❤❤❤❤❤

玩法8：人海合一做Spa

做Spa都咁刁鑽，真係小島限定。計準潮汐時間，在海中設置按摩床，技師直接在海中為住客做Spa，聽著海浪聲與感受著微涼海風，寫意到不得了！One&Only Spa亦採用首次登陸澳洲的Amala產品，同時設立由Bastien Gonzalez主理的手足護理中心Mani:Pedi:Cure。

甜蜜指數：❤❤❤❤

澳洲昆士蘭聖靈群島~海曼島浪漫之旅 海曼島(One &Only Hayman Island Resort)、悉尼(藍山國家公園)7天團 (AHI07X)
價錢︰$17999起 (乘搭澳航)
出發日期 : 5月9,16,23,30日 、6月6,13,20,27日
查詢︰29288882

【澳洲昆士蘭州 】聖靈群島浪漫之旅8天團，行程包括漢密爾頓島、大堡礁海洋保護區全天遊布里斯、黃金海岸(夢幻世界、Sky Point觀景層、翠兒河遊船之旅)、悉尼(悉尼塔自助晚餐) (AH108N)
價錢︰$16999起 (乘搭澳航)
出發日期 : 5月14,28日 、6月11,25日
查詢︰29288882

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel



相關文章：
【震撼】大堡礁不能錯過的11種藍 (上篇)

【震撼】大堡礁不能錯過的11種藍(下篇)

無國界醫生野外定向 體驗無私救援之路

如果叫Viviy要放下自己安穩的工作，遠赴戰火連連又或者傳染病難以受控的地區近行救援工作，相信自己一定未能做到；但早前再次參加由無國界醫生舉行的野外定向活動，再次親身體驗救援之路，更在場邊展區再深一步了解這個非一般的人道救援機構，令Viviy又對這些無私的醫務人員加深了崇高的敬意！

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel

Photo: Paul Yeung

野外定向take 2

曾經在3年前與朋友柴娃娃地參加過無國界醫生野外定向，當年連定向係咩一回事都不甚清楚，但在山野中穿梭找check point這件事的確相當有挑戰性，更因此而對無國界醫生有了初步的認識，整個野外定向並非是一場比賽或遊戲如此簡單，更重要的是藉由在限時內在指定範圍中找到最多的check-point攞分，然後在夠鐘前返到終點，遲到是要付上扣掉一定分數的代價的！



今年獲邀參加Blogger隊，與Nat&Hiro及狼之組成了一對「山野小混混」參賽，聽個名就知道呢隊4人組有幾好玩啦！

無國界醫生野外定向 Q&A：

Q1. 野外定向關無國界醫生咩事？
參加者參與野外定向時需於山野中找尋隱藏的check-point，成件事其實就好似前線工作的醫務人員一樣，去到自己唔熟悉的地方，在有限時間、物資的情況下去提供救援服務。而且比賽講求team work以及時間控制，就如救援人員在戰亂或疫區同時間比賽去救更多嘅人！

由於係我吔屬於guest run嘅關係，大會為大家提供了地圖、哨子以及指南針，但中途係唔可以用電話中的GPS幫助定位的。而且總共有30個分數不一的check point，要在指定時間跑得哂有一定難度，所以出發前的路線規劃就變得好緊要！

Q.2 無國界醫生做啲乜？

成日聽到坊間有好多無國界乜乜同埋無國界物物，有別於一般NGO（非牟利組職），其實無國界醫生係一個獨立的國際醫療人道救援組織，只要為受武裝衝突、疫病和天災影響，以及遭排拒於醫療體系以外的人群提供緊急醫療援助。就好似之前疫情十分嚴重的西非伊波拉病毒，又或者戰火連連的也門、敘利亞等都係呢一班醫務人員服務的地區； 而且話明係無國界，只要是有需要的人，無國界醫生都會提供援助，完全不受政治或宗教等因素所左右。由於呢個特殊嘅身份，無國界醫生雖然有搵不同明星作活動大使，但就唔會送佢哋去到前線作呼籲籌款，集中資源送醫護及物資到當地，實在難得。Viviy上過其網站睇過，有8成的捐款會直接用作救援工作，確保大家籌得的善款用得其所。

Q.3 可以如何體驗救援之路？

野外定向當日大會同場設有3個帳篷，實時示範醫務人員的工作！睇完3個帳篷，了解更多後真心佩服醫護人員們的無私。3個帳篷分別有疫區之處理、分流工作、以及小孩營養之照料。

就以西非伊波拉疫區為例，每位醫護人員都必須要穿上層層的保護衣物，包括有手術袍、外層保護衣、膠靴、兩層保護手套、口罩、頭套、護眼鏡及圍裙，除咗手術袍、膠靴、護眼鏡、最外層清潔手套同臺圍裙係用完會清流消毒，其餘一律只會用一次。而醫生每次脫下每層保護醫物時都需要做消毒工序，其實是有著唔少的心理王壓力。即使如此，醫生們會在保護醫物外貼上自己的名字，讓被隔離中的病患知道是誰人在照料著自己，亦都係一種對病人們的尊重與安慰。

Q.4 食花生（醬）延續生命？

其實真係無辦法想像小朋友的手臂圓周可以少於110mm，但唔少戰亂及飢荒地區嘅佢哋正正係處於一個生命如此危在旦夕的情況。無國界醫生會以一條看似簡單的手帶來量度小朋友是否有足夠的生存營養。只要將上圖中的紙條圈成一個環，再套上小朋友的手臂中，若然圓周處於橙色或紅色範圍，呢啲小朋友已經有飢餓至死的危險！

為了快速而又方便地為小朋友提供營養，無國界醫生會讓小朋友進食上圖中的營養花生醬包以及營養奶粉，當中又因為花生醬比奶粉更方便，省卻了要找乾淨水源沖泡的步驟。一包花生醬即可提供到500卡路里以及其他生存所需的營養，工作人員更讓我們即場試食，味道比一般的花生醬更為香濃！對生長在富裕地區的我們來講當然只是像肥爆小食，但對於不時捱餓的兒童來講，卻是維生的必須品。

Q.5救援一樣有先後？

無錯！由於救援地區同一時間可能需要接收大量傷者及病患，醫護人員會在特定帳篷中為傷患作出分流再行診治，好似圖左那些無嚴重傷患者當然沒有圖左手臂有嚴重傷口的傷者來得急切！再嚴重啲，就如香港的急症室一樣，會以黃色、紅色、甚至黑色牌以作分流。

錯過了今年的野外定向？在等待明年活動的同時你可以選擇網上捐款支持，又或者你更可以自行發起籌款支持，Viviy就見到有唔少在旅途中的旅遊人都有參與，只要有人在其籌款專頁捐款，就會寄出旅途中明信片以作答謝，好玩又有意義。

了解更多籌款專頁：https://ssl.msf.hk/donate/tc/msf 

支持無國界醫生：https://ssl.msf.hk/donate/

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel

熄燈跑西九 星夜下的6公里

3月28日WWF舉行地球一小時熄燈行動，今年更首次同時舉行Run for Change慈善跑，在全港熄燈後於西九龍跑6公里，身體力行支持環保！今次有幸與 WeShare一珪跑手齊齊參與，感受星夜下由維港靚景伴跑的非一般感受~

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel

Source: WWF

今次 Run for Change 比賽只要路線是圍繞西九跑三個圈約6公里，一向都在家附近公園跑的我也首次出戰西九，因為平日工作太忙而缺乏練習，希望成績不要太失禮吧~

睇返WWF網頁資料，「地球一小時」熄燈活動由2007年開始，早期只係一個在澳洲悉尼舉行的城市性活動，在指定時間內將屋企或者office中不必的燈熄掉，支持減炭節能；後來慢慢演變成一個全球性的活動。今年的「跑出未來」Run for Change 更是第一次舉行，熄燈後來跑步既環保又可以鍛鍊身體，簡直係一舉兩得。

起跑前當然要同一班 WeShare 戰友齊齊在起點前影返張相！

起跑前的維港，可以見到世界聞名的璀璨夜景。

Source:WeShare

熄燈後由港島望返尖沙咀，明顯見到文化中心的燈光已變暗，別有一番感覺。

準備起跑，由於起點賽道比較窄，大量參加者迫埋一齊，同時聽唔到有咩指示，大家都係等緊開跑一刻！開跑後其實有些微的混亂，由於賽道窄，人又多，比渣馬的10k更為擠塞，唔少跑手都號出賽道外的草地上，其實都有一定危險性，可能下年再舉行的時間大會可以究竟分批出發較好。

 6公里話多唔多話少唔少，大會都在中途安排咗個水站俾參加者補給，亦都會叫大家飲完後盡量回收手杯，貫徹環保的大原則！活動當晚天氣唔錯，有涼風送爽之餘亦可以見到月光同星星，熄燈後就更加明顯。

完成6公里衝線後當然要與一眾WeShare Runners留影！睇到我塊面跑到變關公，就知冇hea跑啦！

大家估吓我同Megan扮緊咩？

地球一小時雖然只係一年一度的活動，但隨時熄燈，節能減炭的生活模式才是整個活動背後的意義。凡事由小做起，例如平時我地係公司做完野順手熄電腦、熄mon；出街時自備水樽、減少買樽裝水；減少無謂的shopping，買衫前三思家中有否類似衣物等等……都可以為地球減少多餘的垃圾！甚至放假時多去郊外行山、野餐，唔一定要搭飛機去外國旅行，喺香港都可以進行低碳小旅行！

活動後仲收到WWF的超萌熊貓小禮物，超可愛！

更多有關WWF及地球一小時︰

https://earthhour.wwf.org.hk/

http://www.wwf.org.hk/ 

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel