2015年8月17日 星期一

遊日必備 北海道花田打卡好幫手


8月的北海道真係好靚,藍天白雲再配襯七色花田靚到dump一聲!作為一個網絡深度中毒的寫作人,影到靚相時第一時間都好想同朋友以及Fans分享!所以一個接收穩定而又續航力高的 WIFI蛋實在係幫到手不少! 

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel



今次選用 Horizon 的 WIFI 蛋去日本,收到 WIFI 蛋時有專用的小袋子裝住本體、充電器以及充電線,井井有條又唔怕唔見。


附機附上說明書一張,只要step by step跟住開機、連結,基本上很容易用。


見到 Pocket WIFI 熒幕右上角的紫色數字嗎?數字代表幾多部手機正在連接 WIFI,而這部Y!Mobile 4GLTE(CA)「三刀流 MAX」最多可讓14部電話同時連接,犀利!


 今次夏日北海道之行其中一個主打行程就是富良野美瑛的花見之旅!連綿的丘陵就係呢度的一大特色。相中呢條路更是熟口熟面,好似在唔少電影場景中出現過。


來到上富良野Flower Land以及七彩之丘,連綿的花田最少謀殺了我幾百mb的相機memory,影完靚相後,當然立即用相機內置WIFI share 去手機,然後拿拿臨upload上facebook同大家分享美景。基本上在整個行程中 WIFI 接收都好快,只係偶爾在公路上或經過隧道時會有連級較慢的情況,


 8月頭時已經過了觀賞薰衣草的最佳時機,但同時就有向日葵以及其他各種五顏六色的花來搭救,情景一樣怡人。更有唔少日本女生著到靚靚到影相,如果有時間,好似圖中女生一樣著住浴衣來賞花然後夜晚再去花火會就真係perfect!

呢隻 WIFI 蛋嘅電都算持久,我每日平均3-4人同時連線,由朝到返到酒店基本上都不需要充電,當然如果同時更多人連線或者用量大的話可能就要帶多個奶媽出街,必要時只要插上Andriod線就可以為 WIFI 蛋充電。


來到大家可能最關心的問題,價錢同埋用量!Viviy用呢隻Horizon WIFI 蛋日租$65 ,每日流量無上限,上facebook打卡、upload相、收發email、睇video新聞等完全冇問題,用得夠放心!如果多朋友一齊去的話,除返開一日的價錢就更抵用!

Horizon WIFI HK 小資料:
網址:http://www.horizon-wifi.com.hk/index.php
幾時申請:出發日前10~14天上網申請。
取機還機:可以去 Horizon 上環office 取機,又或者去黑貓營業據點取機。而還機就可以係返來香港翌日到上環office還機。

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel