2016年4月28日 星期四

【本地玩】去荃灣放空 再食好東西慰藉自己

想喺香港呢個繁忙都市抖一抖,有時又唔駛吓吓都要飛去日韓台先叫放假。短短地周末book間酒店睇吓靚景放鬆吓、再對住個海景食返個海鮮buffet brunch,悠然自得咁度過2日假期、叉足電再面對下一星期嘅挑戰,即時覺得個人好似電芯咁recharge咗!




唔講真係唔係好知,原來位於荃灣油柑頭有間汀蘭居酒店,坐擁荃灣西以至青馬大橋靚景,房間可選apartment或者套房,既然入住得,當然推薦要向海的房間才夠正!Apartment 房間一廳一房,並於舊年剛剛重新翻新完畢,房間配上簡潔而又現代化的裝潢,房間同時設有小型pantry區,可以在此用電磁爐煮食,整件事相當有家的感覺。


房間的部分亦相當寬闊,個人就最喜愛旁邊衣櫃的設計,左手邊的全身鏡可以左右拉開,既是鏡子,又是一道活動門,零活有彈性,又可以避開不少人住酒店最怕鏡子對正睡床的禁忌。


拖鞋、洗衣袋及風筒等都放於衣櫃內,布袋亦是同一款。


部分房間設有露台 ,可以與朋友在外飲吓野吹吓水,配無敵海景。

 酒店Gym Room面積不小,同時設有泳池,夏天來度個小假就perfect!

酒店Lobby的裝飾好 chic 

汀蘭居
地址:荃灣油柑頭青山公路123號
電話:(852) 2945 1111
網址:baybridgehongkong.com
Facebook.com/thebaybridge
房價:一房一廳Apartment由HK$651起(未連稅)
交通: 酒店提供免費穿梭巴士服務來往荃灣港鐵站及荃灣西站(車程7分鐘)、機場快綫九龍站及尖沙咀(約20分鐘的車程)


必試搶手周末早午餐


酒店新開餐廳Anchor’s Seafood & Beer House早前推出weekend brunch 買一送一優惠,食家們打爆電話都book唔到,火爆受歡迎程度可想而知。雖然優惠已過,但餐廳同時推出抵食價,平日夜晚自助餐都有折扣價,晚上8:30後入座更可享 「二人同行,一人價錢」 。但既然入得去住,不妨試試weekend brunch,對住個海景食海鮮buffet,心情都靚啲。


 Anchor's 大門口設有一張大長檯,就算成班朋友一齊來食大餐都可以安然入座。





這次Viviy選擇了夜晚的自助晚餐, 海鮮自然是主打,凍蝦、長腳蟹蟹腳、青口是不少人的首選。如果是weekend brunch就話就可以試埋戶外海鮮燒烤區的10吋長皇帝蟹腳。



-->凍肉拼盤配上芝士就是最佳食法。
大大舊芝士磚俾食客自製ceasar salad。

 邪惡甜品區


航海風的裝潢配雪糕



Anchor’s Seafood & Beer House

自助早午餐
時間:逢星期六、日及公眾假期(上午11時至下午3時)
價錢:成人港幣278.6元(原價港幣398元);小童港幣139.3元(原價港幣199元)(另加一服務費)

海鮮自助晚餐
時間:晚上6時30分至9時30分
價錢:
-星期一至四 : 成人港幣229.6元 (原價港幣328元) , 小童每位港幣114.8元(原價港幣164元)
-星期五、六、日及公眾假期:成人港幣278.6元 (原價港幣398元),小童每位港幣139.9元(原價港幣199元)
-->
查詢電話:(852) 2945 1138

2016年4月24日 星期日

【香港自駕遊】荃灣川龍茶居飲茶 再朝聖農場鮮奶

難得周末假日,當然不能單單困在家中,一於揸車上山「搵食」!今次揀選路線為荃灣到元朗石崗,山路較多,風景自然更靚!重點是位於荃灣川龍的彩龍茶樓歎山水靚茶,然後再沿山路穿過大帽山去到另一邊山腰的雷公田,尋找原味農場鮮奶。

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel
行程: 荃灣 >> 城門水塘 >> 川龍 >> 雷公田 >> 錦上路

Google Map : 完整路線




這天來到天陰陰想落雨,天氣亦稍涼,如果揀個天朗氣清的日子來就應該無敵靚景!



上到城門水塘的車路中,沿途都可以見到大量猴子出沒,為搶野食更會不時大打出手!


好似呢隻咁找個沒有同類搶食的地方慢慢歎咪幾好!





主壩呢個位置車入唔到,只要去單程路停低架車慢慢散步至此都是一種享受。



慢慢欣賞完風景就可以原路出返荃灣。遊車河最好就係自己想去邊就去邊,隨心所欲。


離開水塘就可以向川龍進發!川龍一向是不少行山人士行完山後歎茶的好地方。兩間茶樓分別是彩龍及端記,今次我們就先試前者。話說兩間茶居都是用當地山水來沖茶,茶水都份外好飲!


茶居依然保留舊式茶樓要自取點心的傳統,看中哪碟就取哪一碟,簡單又方便。



自家種的西洋菜是必食之選!



唔好錯過即撞山水豆腐花,比起本身已經好滑的百福豆腐花更滑,最緊要是夠新鮮!


如果歎完茶後意猶未盡,可以繼續驅車上大帽山,由荃灣這邊的山腰去到元朗那一邊山腰的雷公田,這裡最出名的便是農場鮮奶以及石崗軍營的木棉花大道。


農場鮮奶有車位可停泊,落車即可品嚐解奶,好方便!


由於太飽的關係,今次放棄了不少人都推薦的鮮奶配餐蛋麵,只點上一碗即撞的薑汁撞奶,帶小小辛辣的薑汁食完好醒神、好夠薑!


食完飽到一個點後就可以向錦田方向打道回府!今次揸呢架 Ford 的 Fiesta 小飛俠雖然只有1000 c.c,但上山大帽山都好夠力,擔任柴可夫司機的男友都讚好夠力。另外小飛俠的免匙開鎖及 "Ford Power" 開車按鈕 方便易用,當我們疑惑車頭燈的開關在哪裡時,行行吓先發現頭燈已經開著了,原來是自動感應頭燈!睇來自己真係要快點去考返個車牌,現在暫時坐係司機位扮扮司機先啦!

相關資訊

2016年4月22日 星期五

三藩市不能錯過的10件事

好友去年嫁到了三藩市,一直想找個機會去探望她兼月且旅遊一番,最近三藩市旅遊局代表就相當有誠意地來到香港,與旅遊業屆以及傳媒朋友分享今明兩年三藩市有何好玩活動與新賣點。當中有靚景、有美食、有重新開放的現代藝術博物館(SFMOMA一年一度的同志慶典2年後更有世界盃七人欖球賽,想想今年計劃好,等有平機票就立即入手準備飛去三藩市!



1. 品嚐三藩市美食

1956年創刊之美國美食及娛樂雜誌「 Bon Appétit」,將三藩市喻為「現時國內最佳美食城市」,在5,369間餐廳中,超過50間更獲評為米芝蓮星級餐館!今年夏天8月18日至21日期間更加有一年一度的「吃喝三藩市」美食節,除了美食,紅白酒、cocktail與本地釀製啤酒都絕對值得一試。

2. 走上金門大橋 


講起三藩市,相信無人不識金門大橋的大名。長1.7英里的大橋除了可讓車通過,更加識有行人路段、西面更可以容許踩單車,大橋據說更是世界上出鏡率最高的其中一個景點。


3. 參觀國際級博物館SFMOMA

三藩市現代藝術博物館(SFMOMA)早於1935年成立,擁有超過30,000件體現了大膽的設想和創新的作品,今年春天將與以比以往多近三倍的空間重新開放,更識有個全新的攝影中心,文青必到之選。

4.乘搭三藩市纜車

除了金門大橋,纜車都係去到三藩市必搭之選。有3條路線的纜車由19世紀開始就係當地人嘅交通工具之一,途中更可以欣賞到三藩市的壯麗景色。

5. 感受三藩市同志驕傲大遊行 



今年的大遊行將於6月25日至26日舉行,是一年一度的大型慶典,今年主題側重於經濟和種族平等,無論你支持同志與否,曾經在倫敦參加與同樣遊行的我就覺得遊客絕對要去感受一下那熱鬧又歡樂的氣氛!



6. 探索惡魔島 

坐落於與三藩市灣中央同名的小島上,惡魔島曾經是一個臭名遠播的監獄,關押著美國最臭名遠播的罪犯,據講從未有人成功逃獄過,監獄於1960年代中關閉,想了解監獄的事蹟,最好就是參加導賞團讓自己有時間慢慢探索。

7. Hea遊漁人碼頭



唔駛講,除了風景,當地的海鮮、新解螃蟹都是必食之選,更可以同時一遊杜莎夫人蠟像館,三藩市地牢等景點。

8. 遊覽北灘


北灘並非一個海灘,而係充滿著歐洲風的一個地區。聖彼得和聖保羅的美麗教堂是旅客喜愛的地標之一。科伊特塔之上,電報山更拍攝橋樑和海灣最燦爛一面地點。塔內從地板到天花板,都塗上了世紀30年代描繪早期三藩市場景的壁畫。

9. 感受夜生活

一場去到三藩市,怎可以不到酒吧中感受一下Rock ‘n’ Roll、拉丁音樂、Jazz、藍調、搖擺和「老歌」等的音樂,讓自己在三藩市的夜色中沉醉一下。

10. 必睇世界盃七人欖球賽


2018年世界杯七人欖球賽將定於三藩市灣區舉行。超過三天的賽事共105場比賽將於三藩市AT&T公和Avaya體育場分別舉行 。如果在每年香港的 Ruby7是你杯茶,這個世界級比賽相信會更加精彩。

旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel