話說最新一直都想將家中那弱雞router換咗去，雖然我家並非千呎大屋，但是一直用開的弱弱router放於客廳中，一入房中的WIFI連結就弱到不行，有時只是想舒舒服服咁攤係床上用ipad睇下戲都load得唔暢順，要先行出客廳將電影download到ipad中才能回到房中觀看，整個感覺實在是很不爽！一係唔換，一係換個功能強大的，今次就選擇了NETGEAR Orbi Mini AC2200 無線路由器系統套裝（RBK40），家中廳房都接收到WIFI之餘，上到樓上天台都收爆3格，以後係天台睇住youtube做HIIT又得、BBQ時連線播住party歌都得啦！
Netgear Orbi RBK40有一部主機同埋一部分機，覆蓋高達 2,500平方呎(如果我家真的有2,500平方呎就真係開心死)，同一般 router唔同，Orbi RBK40係用上世界上第一個三頻 Mesh Wi-Fi 網絡系統，覆蓋唔會受牆壁，樓梯，大門等阻礙。因為有個分機， 當我行到屋內唔同地方既時候，訊號就會視乎我部device新邊一部而發出，所以個WIFI接收會好強，而且唔會話我行到入房內既時候而收得唔好既情況發生。
開箱！雖然感覺好高科技，但其實呢部router安裝都幾簡單，就算女生一樣可以安裝得到！重點係白色外型好靚好elegant!
包裝背後清楚 地介紹左部機既運作原理，同埋由於有主機同分機，將2部機放在家中不同的位置，就可以擴展訊號覆蓋，改善以往WIFI訊號不良的問題。
好清楚易明的Quick Start Guide 說明書，可以到app store download 返Orbi NETGEAR app來幫手做配對連線。
套裝包含一主機一分機， 長cable一條，和電插頭2個。
左邊係主機，右邊是分機。可以見到主機黃色的插位就是平時插lan線的插位。
只要插上lan線，然後登入 Orbi App 進行connection，然後scan 跟機附上的 QR code 以密碼就可以成功連接 WIFI。
下載好 NETGEAR Orbi app 後，就可以跟據指示登記，由於我是第一次使用，所以就揀 New System Setup ，然後輸入要設定的 Orbi Wi-Fi網絡系統數量，以今次為例就是 2 台。
然後就可以繼續 NEXT , 插入跟機的lan線，然後在自己電話中打開 WIFI 選項，揀選自己設定的 Orbi 網絡。
App就會自動感應並且加入剛新買的 Orbi 主機，然後完成設定。 而連接分機就更加簡單，當Step 1 的主機已連接好時，只要同時按按下主機以及分機機背的 Sync 接鈕，就可以將2者連接起來。
Orbi App 更加可以作 Guest WIFI 以發 speed test 等操作，比起以前用普通 router 方便得多！
最重要的是，無論在家中哪一個角落，以至是去到上一層的天台上都可以擁有良好的 WIFI 接收訊號，真係令人好開心！
想了解更多NETGEAR Orbi Mini AC2200 無線路由器系統套裝（RBK40) ，可以去呢度詳細睇睇！
