度身訂製 最岩fit枕頭
飛得多，都知道好多大型酒店都會設有不同枕頭可供住客選擇，但返到屋企後，一個日日會瞓既枕頭先係最重要。早前受到朋友介紹，知道原來由日本來的my
makura 「我的枕頭」正正提供有度身訂造枕頭服務，只要30分鐘，就可以造出一個最適合自己，既可以迎合仰睡同側睡的枕頭。
度身造枕頭初體驗
今次就去到my makura 位於尖東的陳列室接受度身，另外尖沙咀 iSquare和銅鑼灣Sogo都有得做，相當方便。唔講唔知，原來人體瞓覺時，睡姿不同，對枕頭要求的高度都不同。Viviy
平時就習慣了側睡，當人在側睡時，骨胳會呈一直線，所以枕頭亦要高一點；但當轉為仰睡時，骨胳會成S型，枕頭高度需求相對會較矮。但今次造的呢個my
makura枕頭就可以一個枕頭滿足哂我的側睡和仰睡需求，皆因枕頭設計分為了14個小空間(上下層各7個) ，度身後每個小空間會依據我的數據放入不同分量的物料，做到真正good
fit。
工作人員首先會用立姿測定器來量度我的頭、頸、肩的曲線與數據，然後再瞓低在專業的電子量度尺上量度多一次，就可以得出準確的數據去讓職員依據，然後就可以分門別類地將不同枕頭填充物料加入枕頭的小袋子內。
神奇枕頭物料
平時Viviy瞓開的枕頭是記憶海綿枕，貪其可以fit到我的頭頸型，但原來記憶海綿用得耐都會變型；而出外住酒店多會遇上的羽絨枕看似舒服，但其實承托力有限，唔怪之得有時去旅行瞓完後都會頸緊膊痛。
my makura枕頭的物料包括有白色纖維綿花；具抗菌及除臭黑的色備長碳顆粒；高透氣度的紫色彈性橡膠顆粒；滲入鹿兒島3萬年火山灰製成的透明白砂狀顆粒，透氣度高又夠穩定，最正係可以成個枕頭放入洗衣機洗(放進網狀洗衣袋中)而不怕會變型變硬！
枕頭入好物料後就可以即場試用，較到啱為止。my makura亦貼心地設有3年無限次免費調整服務，如果瞓瞓下覺得高低有唔啱用，都可以拎返去店內再加以調整。
試用半個月後感:
Viviy覺得每晚睡眠質素真係好咗，以往瞓得唔冧，有時仲會成日發夢，第二日起身除了唔夠精神，個膊頭仲成日冤冤痛咁；但用咗呢個度身訂造既枕頭後，第2朝瞓醒膊頭唔再猛猛緊，同埋真係好易入睡，推薦！
6 月買有著數！
由宜家去到今個月尾凡於尖沙咀isquare就可以用推廣價 $2,590 買到原價
$2880的my makura我的枕頭，兼送價值 $200 枕袋乙個。
地點：尖沙咀isquare
國際廣場5樓506-507號舖
Facebook：www.facebook.com/mymakurahk/
