拉薩有很多貓，幾乎是無處不在。而我們入住的幾間青年旅館中，不約而同地都有養貓，而且這些貓大多都不怕人，幾乎是很痴身，是因為高原的空氣比較稀薄，貓兒的性格亦因此而改變了嗎？
萌貓1號︰娑娜姆青年旅館的嗲貓
到拉薩第一天入住的青年旅館內的小黃貓，一見面就衝到我身上嗲人，只要一停下手摸她，就會用牙來輕咬你叫你繼續，這情形出現了多次。
萌貓2號︰大昭寺內的灰貓
呢隻貓過癮之處在於懶訓，我企係度影相，佢可以企下企下就埃左係我腳邊訓，搞到我行開又唔係，企定定又唔係。
萌貓3號︰大昭寺內的黑貓
黑貓從來都被人當作不祥的象徵，不過呢隻黑貓可以係寺內出現，証明憎人們都冇理黑貓禁忌啦。
萌貓4號︰吉雪青年旅館的滑毛貓
又一隻超嗲貓貓，一見面對人有些少戒心，但你摸完佢第一次後就非常痴身，仲要成日係你房門口喵喵叫，想引你出去摸佢。
成日郁，好難影到佢!
影親都係你身邊擦來擦去!
萌貓5號︰哲蚌寺的高竇貓
呢隻貓相當有性格，10來度氣溫下大模施樣曬太陽，我貪得意摸下佢，完全唔肯俾反應，哈哈哈，一定係嫌我阻住佢sun bathing!
放隻woody係佢前面，佢望2眼，將塊面轉去一邊，好似係度講︰「我係唔俾你影，吹咩！」
拿，轉完右邊轉左邊，冇講錯佢架！
萌貓6號︰平措康桑青年旅舍的懶訓貓
呢隻貓定力十足，點嘈都唔醒。佢就咁訓左係拉薩最受歡迎青旅平措的大堂沙發上，懶理身邊出出入入既人潮，好似一早看破離合世事，你有你check in 吹水plan行程，我有我繼續同周公談情。
睇下，貓餅一舊。
伸出美腿……
訓到牙仔都出哂來，都一於少理！
有人話係西藏見狗多過見貓，不過我就覺得西藏既貓比平時見到既貓又多左一份靈性同埋親民感，旅行時遇到呢d小動物，又真係可以為旅程加添唔少樂趣！
