識得揀 一定揀去昆士蘭歎世界！

去旅行都係想歎想爽皮，如果有埋靚景同美食，咁就 perfect！位於澳洲東岸的昆士蘭一年有超過300日艷陽天，又有無數適合玩水上活動的無垠沙灘，更重要的是新鮮海產以及名廚進駐，識玩一定揀去昆士蘭！

鳴謝︰昆士蘭州旅遊及活動推廣局 、澳洲航空
相機︰Olympus OM-D E-M1
支持我「旅行‧最重要的小事 」Facebook Page︰https://www.facebook.com/viviy.travel

度假天堂 陽光海岸

提起昆士蘭，最多人記得的唔係開恩茲、大堡礁就一定係黃金海岸，不過今次要推介的係位於布里斯本以北的當地人度假聖地——陽光海岸  （Sunshine Coast ) 。來得陽光海岸，一定要去努沙 （Noosa）！這個度假小鎮有延綿的白沙灘，而且海岸線十分適合滑浪，由朝到晚都可以見到帶住滑浪板到此一展身手的型男索女，就算唔識滑浪如我亦都大飽眼福。

沙灘上嚐美食才是王道

每年5月努沙都會舉辦國際美酒佳餚節 （Noosa International Food and Wine Festival），比香港那個有過之而無不及，除了主場地的美酒攤檔外，一定要參加位於沙灘上的美食體驗！在沙灘的大帳篷內優雅地食西餐不是幻想，主辦單位一早準備妥當，今年其中一場沙灘午宴就請來星級名廚 Neil Perry 主理，帶來一頓中西合璧的午餐。試想想對住個蔚藍海景，腳踏沙灘上，口中品嚐緊用上新鮮食材、同時融合中菜元素的西餐，加一杯與海鮮恰好匹配的澳洲白酒，咁就為之識歎囉！

Neil Perry 在澳洲主理的餐廳 Rockpool 及 Spice Temple 皆為星級餐廳，擅長用上地道食材炮製富特色美食，Neil更為澳洲航空擔任顧問主廚，無論喺香港的貴賓後機室或是飛機上都可嘗到 Neil 的美食。

看似手拍青瓜，實質主角為澳洲 spanner crab ，已拆的蟹肉入口啖啖鮮甜，配上青瓜及略帶麻辣的汁實在很夾，更驚喜地佐以白飯，連汁都撈埋！

來自澳洲北部卡奔塔利亞灣野生虎蝦佐以蔥段及甜豉油，味道似蒸魚，啖啖爽口蝦肉吃得過癮。

如此美景下食lunch，夫復何求。

帳篷設於沙灘邊，你有你食好野，我有我曬日光浴。

一家大細來沙灘玩吓笑吓，才是度假應做的正經事。

努沙海灘水清沙幼﹐一個個浪頭正好成為滑浪天堂。

一個二個排排企？都係想搵吓邊度個浪夠靚去滑啫！

陽光海岸生活的日常——咪就係滑浪囉！