為慈善開「踩」 體驗英倫單車文化edit

單車旅行愈來愈流行，如果你自認並非運動健將，但又想一試自己身手，不如學吓佢哋！一對香港夫婦去年參加了為香港防癌會籌款的慈善單車活動「綠逐義行」，更幸運地被抽中可免費到英國參加全球最大型的單車活動之一的 Sky Ride，展開了一次英國單車文化體驗之旅。

文／圖︰Viviy （部分相片由受訪者提供）

支持癌症病人而踏出單車路

提起於香港踩單車，最為人熟悉的路線要數大圍經沙田至大埔一段， 更是港人的集體回憶。今次單車之旅的主角夫妻阿良與 Zoey 也不例外，對他們來講，沙田從來都是踩單車的好去處。阿良去年得知有商場舉辦為香港防癌會籌款的慈善單車活動「綠逐義行」，二話不說立即拉著老婆 Zoey 報名參加。皆因一位最痛錫阿良的舅父正是因為癌症而過身，令到他更想為癌症病人出一分力。

幸運眷顧 赴英參與單車盛事

每位「綠逐義行」的參加者都有機會被抽中前往英國曼徹斯特參與當地單車盛事——Sky Ride ，而阿良就是那位受幸運之神眷顧的參加者，更於今年8月帶著太太 Zoey 一齊飛到曼徹斯特參與該項單車盛事，深深地感受到與香港單車文化的不同。

阿良話︰「當日我哋要先喺曼城球場集合，然後就可以出發！整個活動貫穿全日，但就無限參加者踩幾耐。果日我哋可以同其他當地人一齊係城內道路上踩單車，經過火車站、大學同埋住宅區，而當地馬路旁邊就係單車路，同香港好唔同。」太太 Zoey 亦有同感︰「個活動好多小朋友參加，好多家長都放心俾小朋友跟住大人一齊踩，仲會換上不同服飾扮鬼扮馬，好似參加嘉年華咁。換轉喺香港啲家長點會放心俾小朋友自己踩？」

在英國，踩單車其實是很普遍的事，馬路旁有單車路，路又較寬闊，最重要是英國人喜愛單車的文化，令不論男女老少都可以參與，亦會騎著不同種類的單車參加，與香港單車文化輒然不同 。

大人單車連住 BB 車，就算 BB 唔識踩單車，一樣可以參與盛事。

單車旅行帶來不一樣視野

平時去旅行，一般人都是借助交通公具穿梭不同景點；單車旅行，讓阿良夫婦看得更多。Zoey講到︰「踩單車俾我哋睇多咗好多平時未必會睇到嘅野，行程經過好多舊式房屋、有啲仲好似電影場景。當地街上又有好多單車泊位，可見當地人重視單車呢種交通工具。當地一啲睇落好普通嘅舊建築，原來是被活化的歷史古蹟，有啲地庫更成為辦公室添！」

兩三歲小朋友都是參加者之一，仲扮鬼扮馬好盞鬼。

呢種大人車連細路仔車的做法，講真於香港真的好少見，令二人大開眼界。

經過今次小試牛刀的單車旅行之後，令到阿良的單車癮起，更想計劃將來與朋友到歐洲單車旅行。「今次試過單車旅行，返來香港後我都有不時同朋友提起今次經歷，將不同單車文化同佢哋分享。」阿良與Zoey今年亦會再次參加「綠逐義行」，身體力行推動香港的單車運動，同時籌款給香港防癌會。

Sky Ride 小知識：

1. 每年Sky Ride 都會在英國約十個城市舉辦大型單車活動，鼓勵市民多騎單車，包括Leeds (里茲)、Manchester (曼徹斯特)、York (約克)等

2. Sky Ride 費用全免，男女老幼均可參與

3. 在每個城市都會封馬路舉辦此年度盛事

一場去到英國曼徹斯特，當然要一訪著名的曼聯主場。

阿良鍾情博物館，完結 Sky Ride 後當然要到倫敦一訪幾個著名的博物館。 大英博物館就一定不能錯過。

倫敦國會大廈

流連於 London Eye 之上，另一個角度睇，又有另一番美。