細個食Pizza淨係鍾意一味夠厚，覺得個批夠抵食就夠，直至去過意大利食過真正地道Pizza後先至知自己一直食錯哂；返香港後接觸到Pizza Express，當堂覺得原來香港都有似樣的Pizza可以食到，一直以來都好鍾意，甚至同男友拍拖周年紀念都會去撐檯腳，貪佢氣氛唔錯之餘又有水準！今次就同成班朋友仔一齊試咗Pizza Express 新出的六大傳統Pizza，加上美酒的配搭同埋甜品來埋尾，成餐飯真係相當滿足！
旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel
今次去到Pizza Express 位於灣仔永豐街的旗艦店，由於位處星街小區，餐廳design亦走Chic的路線，意式餐廳內掛上幾幅中國景點的相片，卻顯得相當有玩味。
入座先來杯啤酒啤啤佢！聽店內員工話，近期先將原本供應的Hoegaarden轉成圖中呢款MAC'S紐西蘭啤酒，味道相似卻較為清爽，對我而言更是少了那份Hoegaarden獨有的酸味，而且少了那份過份濟膩之感，飲得過。
Viviy是有點私心，想先介紹呢款至愛Pizza。呢款軟心芝士薄餅其實係Pizza Express 為了慶祝其50周年，特意送了一team Pizza 專員去意大利當地尋找古法Pizza的製法而帶回香港的Vera Pizza 系列之一。如果大家知道意大利的傳統Pizza其實都只是用上2,3種材料去製，卻可以食到食材的真味，就明白同港式大堆頭Pizza的分別。明顯地呢個 Vera Pizza 批邊係較為鬆厚，但餅底依然薄脆 。就好似Pizza 起源意大利拿玻里的Pizza一樣，簡單，卻是最好味！
餅如其名，軟心芝士薄餅加上好似熔岩一樣的巴馬臣芝士，配上車厘茄及羅勒，面頭加小小辣椒油吊味，好味同滿足度真係爆燈，堅想encore多幾次。
簡單，卻是最好味
簡單，卻是最好味
 |
| 水牛芝士番茄薄餅 |
今次呢5款Vera Pizza 其實係有特別的意思。每個Pizza都會寧舍有一塊係突咗一隻角仔出來！原來係Pizza Express 特意在50周年呢個時間向「薄餅之守護者」St. Antonio the Abbot致敬的舉動，因為Abbot每幅的畫像中都有隻豬仔在旁，所以每個Pizza邊的角仔，其實就係一條豬仔尾！相傳食到有豬仔尾果片Pizza既人都會特別Lucky，哈哈！
是晚叫咗 Barbera D'alba呢隻鎮店紅酒來試，一支都只係$260，相當化算。不過Viviy仍是最愛來親必點，口感偏jammy的MONTEPULCIANO D’ABRUZZO，原來呢度的酒都係經專人傾返來，唔怪得之以前飲完試過去其他wine cellar搵都搵唔到！
更多傳統Pizza選擇
是晚叫咗 Barbera D'alba呢隻鎮店紅酒來試，一支都只係$260，相當化算。不過Viviy仍是最愛來親必點，口感偏jammy的MONTEPULCIANO D’ABRUZZO，原來呢度的酒都係經專人傾返來，唔怪得之以前飲完試過去其他wine cellar搵都搵唔到！
更多傳統Pizza選擇
 |
| Topping有銀魚柳、橄欖、酸豆水牛芝士的拿波里薄餅（$138) |
用上意大利火腿配上烤焗過的火箭菜做成的馬里諾薄餅 (HKD145)，火腿的咸香配上水牛芝士，啖啖滋味。
同行友人就最愛呢款野菌薄餅，加入了意大利野菌、龍葵菇、 意大利水牛芝士同埋 blue cheese，味道小咸，不過最令人驚喜的是雖然加了重味的Blue Cheese，但就完全不難入口，平時不吃Blue Cheese 的朋友都可以品嘗，加上野菌香氣，十分誘人。
經典中的經典，於香港第一間分店已經開始發售的蘇豪薄餅 (HKD131)成為今次六大Pizza中沒法令人抗拒嘅一個。用上大量火箭菜，加埋leccino橄欖、蒜蓉及巴馬臣芝士，簡單的蒜香令人回味。
惹味蟹肉白酒汁意粉
歎完新Pizza，緊係要歎新pasta。今次兩款新意粉中個人推薦蟹肉白酒汁意粉($135)，見得到的啖啖蟹肉、加上滿口蒜蓉香及小小辛辣感，意粉同時好夠彈牙，嗜辣如我食得好開心！
 |
| 喜歡蕃茄醬的朋友可以試吞拿魚意粉。 |
四款甜品開心Share
女仔居多的晚餐，又點可以少咗甜品？鮮果奶油蛋白餅雖然睇落好大，但入口感覺相當輕盈。想要冇咁漏的選擇，可試吓雪糕或者意式芒果忌廉奶凍，清新！
最後以氣泡滿溢的Prosecco作結，這一餐相當滿足！
旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel
