【聖誕扮靚靚】短小指甲都做到靚靚X'Mas Gel甲💅🏻

自問自己手指一向唔靚，又因為自己經常要做運動怕留指甲唔方便，所以成日都剪到指界好短，今個聖誕就試咗soft gel幫10指扮靚，原來短短甲都可以咁靚，好開心！


第一次整甲，聖誕前2個星期去到呢間美甲店位於中環 Landmark 嘅分店，見到呢個咁靚咁elegant嘅位置就係啦。

美甲師 Mona 先俾咗啲基本單色 gel 甲嘅色俾我睇，如果平時返工唔想太誇張我就一定揀 nude 色或者小小漸變色就最好，但就來聖誕節，當然心思思想做小小唔同嘅甲款來迎接聖誕！店內亦都會有些sample甲款可以reference返，當然最好就自己搵定心儀甲款先最慳水慳力啦！

 IG 同埋 pinterest 都有好多唔同甲款可以參考

有誇張款，又有低調款，我個人就偏好上圖右邊2隻。正當我係度諗緊邊隻好既時候，見到當日個美甲師用緊nude色來襯雪花、仲有一棵立體聖誕樹，低調得來又唔會冇氣氛，真心靚，於是就決定整到類似佢咁啦！

 美甲師會先問我鍾意方甲定圓甲，然後就會幫我磨返個甲形出來。少不了的，會俾啲熱水我浸手，然後就可以修剪甲邊嘅死皮，咁樣先可以keep到個甲靚靚。

  成個過程美甲師都好細心，慢慢幫我油好個底油先，然後再慢慢加貼紙、閃石同畫花。

每塗完一層甲油都需要照燈30秒，過程係唔會好似定用gel甲機咁令到手指甲過熱，呢一點我覺得係唔錯。因為以往自家製作時經常會覺得甲面好燙熱，真係唔係好舒服，但今次就完全冇呢個問題。

由於我係平日收工後先去整甲，就算臨近店鋪關門時間，美甲師依然好有耐心咁幫我去畫去貼，快得來手勢又好好，應該都係平日工多藝熟所練出嘅一身真功夫！貼好貼紙、閃石珠珠後，就可以塗上面油再照燈，然後美甲師把閃石上的coating刮走，咁樣閃石先至會更加閃。

大功告成！有雪花、有馴鹿同埋天使，中指上就有閃令令+珍珠聖誕樹，成個聖誕feel出哂來，返工時同事見到都讚靚！最令人驚喜嘅係佢真係好持久，就算我個人點粗魯，又去做gym又做weight lifting咁都冇被刮花或者甩石！

店內用嘅指甲油系列，選擇好多，又有唔同閃粉、閃石、貼紙咁，真係想點mix and match都得。最重要係店鋪地方相當闊落，坐係度慢慢整甲都唔會覺得太迫。我已經諗好到我2月結婚前來呢度做返個靚靚新娘甲，係時候搵到參考啦！

做完Gel甲出到來置地廣場個聖誕裝飾真係好靚！聖誕果然係一個好繽紛又充滿歡樂嘅時節！

店舖資料:
Nail & Lash by perFace
地址:211, Harvey Nichols, 置地廣場

電話:5228 3951
價錢: 今次Viviy整呢款gel甲大約$600 - $700，單色就$480起
更多資料可以參考返呢度