平飛昆明 花見小旅行

初春三月有咩旅遊新搞作？計我話，最好就係去賞花！如果你好似我一樣盤川有限，無法遠飛東瀛賞櫻，何不考慮昆明一轉？三月昆明百花齊放、盛放的粉紅櫻花絕對不輸日本，羅平的金黃油菜花田更是令人賞心悅目，加上廉航的推波助瀾，一千蚊樓下即可起飛，三兩天即可來一場花見小旅行！

圓通山 千朵萬朵壓枝低

 

提起花，經歷過中學會考的朋友一定會讀過甚至背過《花潮》一文，講的就是昆明圓通山，現在的圓通動物園及圓通寺。

 

 

每年三月中來到此，就可以見到滿山櫻花潮的壯觀景致！3000幾株櫻花和海棠花同期盛放 ，好難不令人腦中浮現出「是的，是一條花巷，一條花街，上天下地都是花，可謂花天花地。 」的課文！

 

和日本櫻花不同，圓通山的櫻花以重瓣櫻為主，顏色比日本吉野櫻來得粉紅，同時亦有少量日本櫻花，園內白色、粉紅色及青色的櫻花交錯起落，難怪當地人有句說話︰「賞櫻花根本不必到日本，到圓通山就行。」 最重要，圓通動物園的入場費只要人仔10蚊，任影唔嬲！

最佳賞花期︰二月尾至三月中

以綠樹作為背景影出來的櫻花層次感更強。

雖然話2月尾到三月中是賞櫻佳期，不過如果可以在3月10日前後來到就最perfect，可以看到最多的櫻花。 

昆明圓通山動物園 

地址︰昆明市青年路92號 

門票︰$10

羅平油菜花 一望無際的金黃

離開昆明四小時車程的羅平縣的花潮又是另一番風景。話明是縣城，花潮當然更加廣闊。羅平主打金黃色的油菜花田，最佳賞花地點要數金雞峰，登上金雞峰就可以360度觀賞油壯麗的油菜花田景致！

羅平的油菜花田1足足有20萬畝，最方便的玩法，當然是租車自架遊！因為由入城的一路上就出現油菜花田，行到自己滿意的地方就可以停低落車影相。每年當地都會舉辦油菜花節，同期舉辦民族活動，不過醉翁之意不在酒，影到靚相才是王道！

最佳賞花期︰三月中至三月尾