最重要的生活小事: 戀上藍·愛上綠 360度超感官體驗

最近香港整個社會的氣氛都十分緊繃，無論自己的政治取向如何，都想要有個可以抖抖氣的空間，逃離一下繁世的紛擾喧鬧。Viviy於是帶著爸媽去大嶼山昂坪一遊，更特別挑選了可以望到底的昂坪360水晶車廂纜車，等自己可以在又刺激又心跳加速的半空纜車中無遮擋地享受大嶼山藍天碧海帶來的治癒！

請支持我的Facebook Page「旅行‧最重要的小事」

https://www.facebook.com/viviy.travel

My Blog:http://vv-chezmoi.blogspot.hk/

今次除了搭水晶欖車，仲安排了2項昂坪剛推出的活動同家人一齊玩，一於盡情放鬆！

今次Viviy選擇一早出發，希望可以留多啲時間在昂平。雖然係早，但昂平纜車站一早都排滿了好幾個蛇餅，幸好Viviy有提早訂票，可以直接於預先訂票通道去取票，慳返唔少時間。水晶車廂乘客要載上手帶以茲識別。

水晶車廂與普通車廂比例大概是4：1，而且兩條隊分開排，唔駛等好耐即可上車！

出發！當然要先影返張波鞋大合照。

一架水晶纜車可坐10人，今次就只有我們這一家同埋另外一家3口同「車」，不會太過迫。爸爸一向有點畏高，出發前一直提醒他要保持淡定，千萬不要因為玻璃車底太清晰而太驚失霸氣 XD

整段行程會經過2個轉向站，前方就是出發後無耐就會經過的機場島轉向站。纜車會在內轉彎，十分安全。

纜車慢慢上升，見到左下角的橋墩嗎？應該是起緊的港珠澳大橋。

再往前去就可以飽覽整個東涌灣的無敵靚景！記得有一年冬天與家人同遊昂坪時，大霧到甚麼也看不到，今次選擇秋天來到真是perfect timing！

想影出水晶車廂的震撼感覺？唔好怕污糟，坐到玻璃車底上就對了！

再影多張以翠綠樹林作背景，感覺超Fresh！

整條纜車路線全長5.7公里，過了東涌灣後就會繼續上山，而下方則是昂坪棧道，秋高氣爽當然有好多行山人士來此挑戰，可以一路行到上去昂坪市集。不過今次我們當然可以選擇用最舒適又可以睇靚景的方法上山，行山的挑戰留待下次同朋友再挑戰吧！

駛到中後段，纜車翻過彌勒山轉向站就可以望到天壇大佛！

一落纜車就見到個導演影相位，相信是為了配合最新的360動感影院而設吧。

影呢張相除了影低個地圖之外，最重要的是話俾大家知整個昂坪市集都有免費wifi，咁就可以無顧慮地upload喺纜車影既靚相上facebook啦！

昂坪市集Viviy來過3次，今次試玩了新增設的360舞台同埋360動感影院，竟有驚喜！原來以為360舞台是睇戲咁睇，原來有真人演出，向香港電影致敬！表演揀選了三套經典香港電影在舞台上重現，包括《倩女幽魂》、《葉問》同李小龍嘅《猛龍過江》。

半個鐘的節目有驚喜，一開場就有位好似King Sir 打扮的「導演」行出來，將呢幾套經典香港電影的場面重現，仲會話你知其實吊威也、刀光劍影的「參參參」聲係點樣整出來，最搞笑係原來現場觀眾都有份可以參與其中，「幸運地」媽媽跟的都被邀上前玩，笑聲不斷呀！如果你都想參與的話，坐前啲啦！

由於場內開show後唔可以影相，所以開場前快手影咗張！好在開場前早霸左個位，先有靚位坐著睇show。場內唔俾影相關係，所以keep住唔暴露左頭先上台有咩玩！想知既朋友，不妨自己去體驗下！=p

右下角呢件就係甄子丹喺電影中著過嘅戰衣，Fans唔好錯過！

因為喺纜車下車時買了張由纜車公司於上車時幫我哋影嘅相，送了一張免費coupon可以去到市集的指定舖頭內影多張綠佈景相，唔駛錢拎一張走，睇吓呢2位遊客幾落力擺post！

5D感官體驗的360動感影院是Viviy今次最鍾意的一個新設施。唔知大家有冇玩過海馬公園N年前的超動感影院，果時真係好鍾意，每次去都最少要玩2轉！可惜後來唔知咩原因拆了，今次在昂坪重新和超動感影院遇上，而且更是5D體驗，好好好開心！

準備開場前大家都要先將個人物品放在台下的儲物櫃中，然後扣上安全帶，由於電影播放途中會有噴水效果(仲要有幾次)，所以強烈建議大家將相機電話事先放入袋中先至去睇show。整套電影大約10分鐘，鏡頭會帶大家遊覽哂整個大嶼山，由天壇大佛開始起飛，再穿過紅樹林、去到大澳，仲會潛入水中搵中華白海豚，去貝澳長沙，再到心經簡林。途中大家可以喺郁動的座位上感受到飛行的高低起伏、被樹枝掃過雙腳、呼呼的風聲同埋飛濺的水花！我同爸媽都被不少突如奇來的感官體驗逗得哈哈大笑。