今個夏日熱辣辣，一到周末就想去度假。可借偏偏7,8月就係冇公眾假期，只得周六周日做咩好？如果有個地方可以小住兩日一夜，有無敵靚海景加透心涼Mövenpick甜品歎返吓，再跳入泳池暢泳，咁嘅清暑方式又確係幾盞。
Text & Photo: Viviy
旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel相關文章：【海鮮狂想曲】猶如置身東南亞的自助盛宴
 |
| 相片就係由今次入住的房間影出去，左邊係黃金海岸商場，對面係住宅，又右邊長堤再過去就係突然被炒高樓價的龍珠島，視野相當廣闊。 |
上個周末Viviy去了位於屯門的香港黃金海岸酒店度過了梳乎過梳乎蛋的2日1夜，入住擁有無敵海景的全新裝修客房，整個感覺比以往煥然一新，同一個package 仲包埋 Mövenpick甜品下午茶set，對於至愛Mövenpick的Viviy來講絕對係亮點！
以前曾經同好姊妹們一行幾人到同一間酒店Book間房然後玩成晚，仲同時幫Viviy慶祝生日。印象中房間都頗舊，而且我們6,7人同時屆蛇於一間房，當然不算是一次悠閒的住宿體驗。但今次再臨，整個感覺都令我感覺到有驚喜！
今次與男友一同入住，踏入房間就覺得採光十分不錯，房間以米黃色為主調，床後方牆身上加上不同的游魚裝飾，與窗外的海景相互呼應！
另一邊書檯上方的牆上放置了宜家好hit的多肉植物（應該是仿製品），但像真度極高！為房間帶來一點小清新之餘又不怕蚊蟲滋生問題。
房內的窗其實呈 L型，直望就是大海及黃金海岸住宅的景色，而左邊望出去則是遠方的豪宅，視野相當闊呢。
這面如此大的玻璃窗幾海景引入室內，單單係站在窗邊看海已經是一種好放鬆的享受！（文青mode啟動)
至於浴室方面，則是浴缸及企缸合二為一，沖涼時將缸邊玻璃拉上，防水性幾好，完全冇漏水。可惜沒有rain shower，如果可以加埋就perfect！
Mövenpick控的自白
是咁的，Viviy真的好鍾意食Mövenpick的Vanila味雪糕，所以今次雖然在為影Pre-wedding相而積極減肥中，遇上這個「Mövenpick 甜蜜薈萃」Tea set仍然抵受不住誘惑破了戒。本以為這個只是包兩球雪糕的小食，原來係一個食得飽人的Tea set！
本來打算食完雪糕就去泳水，所以一身沙灘look落到了餐廳，原來tea set要坐低慢慢食，咁就不理儀態豁、豁出去了！
呢個「Mövenpick 甜蜜薈萃」Tea set分為兩碟，一碟是三球的Mövenpick 雪糕配以朱古力香蕉及忌廉，以畫板型碟server，記得趁凍食！呢一碟係5件cake set，個人最鐘意牛油味滿溢又不太甜的殼蛋糕，以及以朱古力珍珠裝飾的chocolate brownie。食完甜品飲返杯檸茶，大滿足。
食飽飽，當然要去做運動！咁好天，又咁大個泳池，緊係唔好浪費同太陽伯伯玩遊戲時間。泳池夠大，又有水滑梯俾小朋友水瀡；另一邊就設有Pool bar ，供應生啤及cocktail等，可以浸住水來飲野，生活咪就係咁解。
特設噴水裝置俾小朋友嬉戲，我當然要去挑戰另一邊的3米深池，遊返幾轉盡情消耗剛剛食完雪糕的卡路里！
今次黃金海岸呢個summer獨有清新夏日住宿計劃相當不錯，包新裝修豪華海景房一晚、雙人自助早餐、「Mövenpick 甜蜜薈萃」Tea set一客、其他包括有free wifi、享用游泳池及gym room 等免費享用，仲有酒店往返尖沙咀、荃灣或青衣穿梭巴士服務 (要預訂)。價錢由平日的$1,698起，當然weekend價就會再貴返小小，詳情可參考返酒店的package專頁。
【海鮮狂想曲】猶如置身東南亞的自助盛宴
旅行‧最重要的小事Blog︰https://vv-chezmoi.blogspot.com
旅行‧最重要的小事Facebook page︰https://www.facebook.com/viviy.travel
沒有留言:
張貼留言